ELBASAN, 10 prill 2013– Policia e Elbasanit ka vënë në pranga një 28-vjeçar për posedim heroine.
Sipas komunikatës së policisë së Elbasanit, Daniel Prisecaru banues në lagjen "Çlirim" të qytetit i janë gjetur dhjetë doza lëndë narkotike, e dyshuar si heroinë.
Arrestimi i tij u bë pasi, forcat e policisë u informuan se ky shtetas posedonte lëndë narkotike.
Blutë gjatë një kontrolli fizik të ushtruar ndaj këtij shtetasi, i gjetën dhe i sekuestruan në cilësinë e provës materiale 10 (dhjetë) doza lëndë narkotike e llojit heroinë.
