Avokati i Tatimpaguesve vëren se është rritur ndjeshëm abuzimi i administrates tatimore ndaj biznesit vitin e kaluar. Avokati i Tatimpaguesve ka shqyrtuar 104 raste konflikti mes administrates tatimore dhe biznesit. Sipas të dhënave të publikuara në raportin vjetor, rezulton se në 54 përqind të rasteve administrata tatimore ka vepruar tërësisht në mënyrë të paligjshme, duke e penalizuar biznesin pa të drejtë. Në 23 përqind të rasteve ka patur shkelje të pjesshme të ligjit dhe vetëm në 23 përqind të rasteve administrata tatimore ka vepruar në përputhje me ligjin.
Avokati i Tatimpaguesve është një strukturë e posaçme brenda Drejtorisë së Pergjithshme te Tatimeve, që ka për detyrë të mbrojë biznesin nga veprimet e paligjshme të administrates tatimore. Ky institucion vihet në lëvizje pas ankesave të vetë biznesit.
