Gjashtë vetë kanë humbur jetën, pasi një person filloi të qëllonte dhe të hapte zjarr ndaj të tjerëve, në qytetin Kalamazoo, në Michigan të Shteteve të Bashkuara të Amerikës. Sipas mediave vendase, mes të vdekurve është edhe një fëmijë 8 vjeç. Policia thotë se ka arrestuar një person, që sipas saj është autori i vrasjeve. Katër persona u vranë në një restorant dhe dy të tjerë në një pikë të shitjes së makinave. Raportohet se tre të tjerë kanë mbetur të plagosur, mes tyre një grua në gjendje të rëndë. Sipas policisë lokale, po punohet për të zbardhur shkaqet e ngjarjes së rëndë. Të shtënat fillimisht nisën në një parking dhe më pas vijuan edhe në vende të tjera të qytetit.