Policia e Shtetit, në pikën e kalimit kufitar të Kakavijës, ka arrestuar një shtetas shqiptar, emigrant në Greqi, pasi është kapur me 148 mijë euro në çantë. Burimet zyrtare policore bëjnë të ditur se i arrestuari është shtetasi A. S., 24 vjeç, i lindur në Vlorë dhe banues në Athinë. Shtetasi shqiptar nuk i kishte deklaruar këto para, ndërkohë që ligji e përcakton ndryshe. Ndërkohë, menjëherë kanë nisur hetimet dhe procedimi penal për shqiptarin e kapur në Kakavijë më shumën e sipërpërmendur.