Ministri i mirëqenies sociale dhe rinisë Blendi Klosi, në një dalje publike nga ambientet e Kryeministrisë, bëri me dije se Këshilli i Ministrave ka miratuar shtatë programe punësimi dhe përfshirje për kategori të ndryshme sociale. “Grupet të cilat do të nxiten më shumë janë të rinjtë, gratë, romët, personat me aftësi të kufizuar, jetimët dhe grupet e tjera shoqërore që e kanë të vështirë të përfshihen në tregun e punës, – tha ministri Klosi. – Sot, qeveria shqiptare miratoi shtatë programe të reja që do të zbatohen gjatë vitit 2016, duke mundësuar punësimin e mbi 10 mijë punëkërkuesve të papunë, ku rreth 70 përqind e tyre do të jenë gra edhe vajza.”