KUPERTINO, 24 shkurt 2013 – Sipas “PCWorld Albanian”, shitësit e produkteve “Apple” janë nervozuar me disa klientë, tejet të bezdisshëm.
Nëntë pyetjet e mëposhtme janë bërë nga klientë realë, qoftë përmes telefonit, qoftë ballë për ballë me shitësit e Apple.
1. Pasi i kishin bërë dhuratë një produkt Apple, një grua mori në telefon dhe pyeti: “Çfarë është”? Ndërsa pajisjet e përshkroi si “shumë të rrafshët”.
2. Një vajzë telefonoi sepse nuk i punonte iPhone. Tha se: “kishte diçka të ngjitshme mbi të” dhe a do t’ia rregullonin nëse e sillte në dyqan.
3. Një telefonues pyeti: “Si po ecën çmimi i aksioneve?” (Pikërisht, telefonoi në dyqan për të marrë këshilla mbi investimet)
4. Një burrë telefonoi për t’u ankuar mbi Siri-n. Tha se: “Siri nuk është ashtu siç duket në reklama; ai në fakt tingëllon më tepër si robot”.
5. Një grua telefonoi e trembur pasi i kishte rënë iPhone në një tualet publik dhe pyeti se çfarë mund të bënte. Të paktën shpresojmë që nuk po telefononte nga i njëjti telefon.
6. Një konsumator pyeti nëse kishte shanse që telefoni i tij të ishte dëmtuar nga lagështira pasi e kishte harruar në frigorifer.
7. Një zotëri pyeti nëse kompjuterët e Apple kishin Ëindoës. Po, Microsoft Ëindoës!
8. Një telefonues ishte i nevrikosur pasi Apple kishte zëvendësuar iPad 3 me versionin e ri. Ai këmbëngulte se kompania duhet t’ia zëvendësonte iPad 3 e tij që e kishte blerë shtatë a tetë muaj para me modelin e ri. Njësoj si të zëvendësosh 2012 Ford Explorer me atë të 2013-s.
9. Dikush, duke marrë informacion mbi çmimet e kompjuterëve të rinj, pyeti: “Po interneti përfshihet”?
/th. m. Agjencia e lajmeve “Dyrrah”/
