Ministria e Shëndetësisë ka publikuar të dhënat e fundit sa i përket situatës së Covid-19 në vendin tonë.
Mësohet se gjatë 24 orëve të fundit, në vend janë regjistruar 22 raste të reja ndërsa nuk raportohet për viktima.
Nisur dhe nga fakti që varianti Delta i virusit është duke qarkulluar në vend, MSH apelon qytetarët që të vaksinohen, si një nga mënyrat më efikase për të parandaluar përhapjen e pandemisë.
Njoftimi i plotë i MSH:
Nisur nga konfirmimi i qarkullimit të variantit Delta në Shqipëri, MSHMS apelon qytetarët të vaksinohen sa më parë, për të frenuar përhapjen e virusit të rrezikshëm. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Varianti Delta i infeksionit Sars-Cov2 është varianti më i transmetueshëm, ndaj respektimi i masave të distancimit fizik, vendosja e maskave në ambientet e brendshme dhe higjena, janë thelbësore për kufizimin e përhapjes së virusit.
Për çdo dyshim, kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon:
Janë kryer 4,078 testime, nga të cilat kanë rezultuar pozitivë me Covid19, 22 qytetarë, në këto bashki: 4 raste në Elbasan, 3 raste në Tiranë, Kurbin, Kukës, 2 raste në Lezhë, Gjirokastër, Dimal, 1 rast në Kavajë, Vlorë, Fushë- Arrëz.
Aktualisht janë 280 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 9 pacientë.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 14 qytetarë gjatë 24 orëve të fundit, duke e çuar numrin e të shëruarve në 130,139 që nga fillimi i epidemisë.
Statistika (25 korrik 2021)
- Raste të reja ditore 22
- Të shëruar në 24 orë 14
- Të shtruar në spitale 9
- Humbje jete në 24 orë 0
- Testime ditore 4078
- Testime totale 879,340
- Raste pozitive 132,875
- Raste të shëruara 130,139
- Raste Aktive 280
- Humbje jete 2,456
Shpërndarja gjeografike e rasteve aktive sipas qarqeve:
- Tiranë 98
- Elbasan 30
- Kukës 29
- Vlorë 26
- Lezhë 26
- Durrës 18
- Shkodër 17
- Fier 14
- Berat 13
- Korçë 6
- Gjirokastër 3