Një ngjarje e rëndë është shënuar ditën e sotme në Torino të Italisë.
Sipas mediave të huaja bëhet me dije se një ndërtesë 2 katëshe është shembur në qytetin e njohur, duke lënë të vdekur një 4-vjeçar shqiptar, ndërsa të plagosur kanë mbetur nëna e tij dhe dy persona të tjerë.
Sipas raportimeve të deritanishme, 2 prej të plagosurve ndodhen në gjendje të rëndë në spital.
Nga ana tjetër mësohet se ekipet e kërkim-shpëtimit janë ende duke kërkuar nën gërmadha, pasi dyshohet se ndodhen edhe 2 persona të tjerë. Ata janë në gjendje t’i dëgjojnë zërat e tyre, për këtë arsye, nuk do i ndalin kërkimet.
Edhe pse nuk ka një raport zyrtar nga ana e poicisë, dyshohet se ndërtesa është shembur nga shpërthimi i një bombole gazi.
