Këshilli Bashkiak Durrës do të zhvillojë një mbledhje jashtë radhe ditën e hënë, më datë 22 shkurt, në orën 10.00.

3 pikat e rendit të ditës kanë të bëjnë me dëmshpërblimet e familjeve të dëmtuara nga tërmeti i datës 26 nëntor 2019 dhe përmbytjet e javëve të fundit.

Të hënën pritet të miratohet lista e radhës e familjeve që përfitojnë grantin e dëmshpërblimit, pas aplikimit të tyre në muajin dhjetor.

Tre pikat e rendit të ditës:

  • PËR MIRATIMIN E DHËNIES SË NDIHMËS FINANCIARE, SIPAS LISTËS SË DHJETË ME SUBJEKTET PËRFITUES TË PROGRAMIT TË GRANTIT PËR RIKONSTRUKSIONIN OSE RIPARIMIN E BANESAVE TË DËMTUARA SI PASOJË E DËMEVE TË SHKAKTUARA NGA FATKEQËSIA NATYRORE E TËRMETIT TË DATËS 26 NËNTOR 2019
  • PËR MIRATIMIN E LISTËS TË SUBJEKTEVE PËRFITUESE QË DO TË PËRFITOJNË NGA PROGRAMI I PROҪESIT TË RINDËRTIMIT PËR PALLATIN NR. 1062, RRUGA “26 NËNTORI” DHE PALLATIN NR. 14, RRUGA”PETRAQ BOSHNJAKU” NJËSIA ADMINISTRATIVE NR.2, TË DËMTUARA NGA FATKEQËSIA NATYRORE E TËRMETIT TË DATËS 26 NËNTOR 2019
  • PËR MIRATIMIN E KËRKESËS SË BASHKISË DURRËS, SË BASHKU ME DOKUMENTACIONIN TEKNIKO-LIGJOR PËR AKORDIMIN E NDIHMËS FINANCIARE PËR FAMILJET E DËMTUARA NGA PËRMBYTJET TË SHKAKTUARA NGA RRESHJET E DENDURA NË NJËSITË ADMINISTRATIVE SUKTH DHE KATUND I RI