Covid-i i mori jetën, spitali: Durrësi humbi një mjek të përgatitur, të papërtuar në çfarëdo kohe në shërbim të qytetarëve

Spitali Rajonal Durrës ka reaguar përmes një postimi në faqen zyrtare në Facebook për ndarjen nga jeta të mjekut Fatos Zaçe, i cili po kurohej për Covid-19 në një spital në Madrid.

Ndërsa vlerësohet lart figura e Zaçes, në postim shkruhet se me largimin e tij nga jeta qyteti i Durrësit humbi një mjek të përgatitur, të zotin të papërtuar në çfarëdo kohe në shërbim të qytetarëve.

POSTIMI I PLOTË

Me dhimbje te madhe mesojme per humbjen e jetes nga Covid-19 ne Spanje prane femijeve te tij te mjekut, kolegut, mikut tone dr. Fatos Zaçe !

Doktor Fatosi ishte nje mjek i perkushtuar ne pune, i pergatitur, i zoti ne profesionin e tij te veshtire, ate te mjekut ligjor, i papertuar gjate gjithe jetes se vet .

Gjate rreth 20 vite pune ne Spitalin e Durresit ai u shqua nga zotesia dhe korrektesia ne pune, nga perkushtimi, ndershmeria, i papertuar ne çfaredo kohe qe ja kerkonte detyra.

Me humbjen e Doktor Fatosit qyteti Durresit humbi nje mjek te pergatitur, te zotin te papertuar ne çfaredo kohe ne sherbim te qytetareve.

Spitali i Durresit humbi mjekun, ne si personel i tij humbem kolegun, shokun, mikun e dashur e gjithmone te qeshur, familja njeriun me te shtrenjte te tyre !

I shprehim ngushellimet tona me te ndjera familjes, doktoreshe Dhurates, femijeve !

U prehte ne paqe shpirti i Doktor Fatos Zaçe