Ushtronte aktivitetin pas orarit të përcaktuar për mbyllje, e pëson keq pronari i një lokali në Durrës

Ndëshkohet me gjobë 1.000.000 lekë, pronari i një lokali në Durrës që vijonte të ushtronte aktivitetin në kundërshtim me Aktin Normativ.

Sipas burimeve zyrtare, lokali në fjalë ushtronte aktivitetin pas orarit të përcaktuar për mbyllje.

NJOFTIMI I PLOTË

Strukturat e Drejtorisë Vendore të Policisë Durrës, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrrollet në terren, për të monitoruar zbatimin e masave për parandalimin e përhapjes së COVID-19. 

Si rezultat i kontrolleve, shërbimet e Komisariatit të Policisë Durrës, kanë evidentuar dhe ndëshkuar me masë administrative 1.000.000 lekë, pronarin e një lokali:

Shtetasin S. C., pasi u konstatua nga shërbimet e Policisë duke ushtruar aktivitetin pas orarit të përcaktuar për mbyllje.

Drejtoria Vendore e Policisë Durrës apelon për të gjithë pronarët dhe administratorët e lokaleve që të respektojnë me korrektësi masat anticovid, për të bërë të mundur shkëputjen e zinxhirit të infektimit nga virusi dhe fton qytetarët të denoncojnë në Komisariatin Dixhital, cilindo që nuk respekton këto masa kufizuese, duke u kthyer burim rreziku për qytetarët.