Ermal Muçolli, 43-vjeç është arrestuar nga policia pasi mëngjesin e sotëm ka goditur me makinën e tij një efekti të uniformave blu dhe më pas është larguar nga vendi i ngjarjes.
Policia bën me dije se 43-vjeçari ka goditur për shkak të detyrës efektivin e policisë me iniciale Z.M. dhe më pas është larguar nga vendi i ngjarjes.
Njoftimi i policisë:
Goditi punonjësin e Policisë, falë veprimeve të shpejta hetimore, identifikohet dhe vihet në pranga 43-vjeçari.
Specialistët për Hetimin e Krimeve në Komisariatin e Policisë Nr. 6, pas marrjes së njoftimit se një shtetas kishte goditur një punonjës policie, në rrugën “Thoma Koxhaj”, menjëherë kanë organizuar punën, me qëllim identifikimin dhe kapjen e autorit.
Në vijim të veprimeve u bë arrestimi në flagrancë i shtetasit:
– E. M., 43 vjeç, banues në Kombinat, për veprat penale “Goditja për shkak të detyrës” dhe “Plagosja e rëndë me dashje”.
Ky shtetas, ditën e sotme, në rrugën “Thoma Koxhaj”, ka goditur për shkak të detyrës, punonjësin e Policisë Z. M., me detyrë Oficer i Patrullës së Përgjithshme, dhe më pas është larguar me mjet.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
