Një biznesmen amerikan, gruaja dhe djali i tyre kanë vdekur në një aksident ajror të shtunën në Detroid të Shteteve të Bashkuara të Amerikës. Viktimat janë David S. Compo, Michele dhe djali Dawson.
David Compo, i cili zotëronte avionin, ishte edhe pilot me përvojë. Aeroplani i vogël, prodhim i vitit 1964, u rrëzua gjysmë milje larg aeroportit të vendit.
Avioni u rrëzua mbi një shtëpi, brenda të cilës ndodheshin 5 anëtarë të një familjeje. Këta të fundit për fat të mirë mundën të dilnin dhe nuk kanë pësuar lëndime. Kurse shtëpia u përfshi nga flakët dhe ka pësuar dëmtime në të dy katet.
Nuk dihen shkaqet e rrëzimit të avionit, megjithatë autoritetet amerikane kanë nisur hetimet për këtë ngjarje të rëndë.
