Me përfundimin e bojkotit 4 ditor, Dhoma e Avokatisë së Shqipërisë ka zhvilluar një mbledhje dhe me anë të një shkrese zyrtare i kërkon Këshillit të Ministrave të marrë në konsideratë vërejtjet dhe propozimet e bëra përndryshe do të përshkallëzohet qëndrimi drejt një bojkoti total dhe pa afat.
Me anë të këtij dokument Dhoma e Avokatisë sqaron se i qëndron besnik vlerësimit se kjo hartë e re gjyqësore është në shkelje të plotë të së drejtës së individit për aksesin në drejtësi, mungesës së efiçencës në realizimin e të drejtës së mbrojtjes si dhe rëndimin e situatës ekonomike dhe sociale të individit.
Në dokument shkruhet se është konstatuar injorimi haptazi dhe mos marrja në konsideratë nga ana e KLGJ për propozimet e ngritura nga Dhoma e Avokatëve.
DHOMA E AVOKATISE E SHQIPËRISE
Komiteti Drejtues i Dhomës së Avokatisë të Shqiperisë, në mbledhjen e zgjeruar të datës 17 Qershor 2022, me pjesëmarrjen edhe të kryetarëve të dhomave vendore të avokatisë, mori në shqyrtim zbatimin e vendimit për bojkotimin e proceseve giyqësore për periudhën katër ditore. Ky Komitet Drejtues vlerëson përmbushjen e qëllimit për të cilin u mor ky vendim, duke e konsideruar si fillim të një procesi për përmbushjen e kërkesave lidhur me ushtrimin e profesionit të avokatit në Republikën e Shqipërisë.
Vlerësojmë, që Dhoma e Avokatisë e Shqiperisë ka bërë prezent që në fillesat e hartimit të projektit të Hartës Gjyqësore problematiken e zbatimit në praktikë të një projekti të tillë. Me keqardhje u konstatua injorimi haptazi dhe mos marrja në konsideratë nga ana e KLGJ të propozimeve tona, në vendimin e saj të datës 10.06.2022. Ne i qendrojmë vleresimit tonë, që kjo hartë giyqësore është në shkelje të plotë të së drejtës së individit për aksesin në drejtësi, mungesës së eficencës në realizimin e të drejtës së mbrojtjes si dhe rëndimin e situates ekonomike – sociale te individit.
Dhoma e Avokatisë e Shqiperisë i kerkon Keshillit të Ministrave, si organi vendimarrës për miratimin e hartës gjyqesore, të marrë në konsideratë vërejtjet dhe propozimet e bera prezent nga ana jone gjatë gjithë këtij procesi. Mosmarrja në konsideratë e verejtjeve dhe propozimeve të Dhomës së Avokatisë të Shqiperisë në procesin e vendimarrjes nga ana e qeverisë do të jetë objekt vlerësimi i qëndrimit të dhomës se avokatisë, duke pershkallezuar qendrimin tonë në të ardhmen drejt një bojkoti total dhe pa afat.
Nëpërmjet këtij njoftimi, gjejmë rastin të falenderojmë komunitetin e avokatëve të cilët me kulturë të lartë qytetare dhe profesionale mundësuan në unanimitet realizimin e qëllimit të bojkotit.
Falenderojme publikun për mbështjetjen dhe mirkuptimin për bojkotimin e proceseve gjyqësore ku ata ishin palë. Një falenderim i veçantë për mediat per pasqyrimin dhe sensibilizimin e opinionit në vazhdimësi.
