Një aksident tragjik ka ndodhur mëngjesin e sotëm, ku një automjet ka rënë në kanalin me ujë dhe për pasojë kanë ndërruar jetë dy persona.
Konkretisht ngjarja ka ndodhur në vendin e quajtur “Kthesa e Qarrit”, në aksin Levan-Qarr, në Fier.
“Sot rreth orës 07:20, në vendin e quajtur “Kthesa e Qarrit”, automjeti tip “Toyota” ka rënë në kanalin me ujë anës rrugës. Si pasojë kanë ndërruar jetë dy shtetas (një mashkull dhe një femër) ende të paidentifikuar. Shërbimet e Policisë, shërbimet zjarrfikëse dhe urgjenca mjekësore ndodhen në vendngjarje dhe po punojnë për nxjerjen e automjetit nga uji. Po kontrollohet vendi i ngjarjes nëse ka pasur persona të tjerë në automjet.”, njofton policia.
