Deri në mesditë vendi ynë do të jetë në ndikimin e motit të vranët dhe intervaleve të shkurtra me kthjellime.
Sipas MeteoAlb, pritet që pas mesdite vranësirat të shtohen gradualisht duke gjeneruar shira ku herë pas here do të jenë rrebeshe. Më të dendura në zonat veri-verilindore. Parashikohet që kushtet e paqëndrueshme atmosferike të na shoqërojnë edhe gjatë natës.
Temperaturat e ajrit do të ulen në mëngjes por rriten lehtë në mesditë duke luhatur vlerat ditore nga 13°C deri në 34°C.
Era do fryjë e mesatare dhe e fortë në det me shpejtësi 50 km/h nga drejtimi Jugor – Jugperëndimor, ku më e pranishme do të jetë në detin Jon duke krijuar dallgëzim 3 – 4 ballë.
Deri në mesditë, Kosova dominohet nga mot i kthjellët dhe vranësira të lehta por pas mesdite pritet shtim i vranësirave në pjesën më të madhe të Kosovës duke sjellë rrebesh shiu. Orët e vona të pasdites do të vijojnë me kthjellime dhe vranësira të shpeshta në të gjithë Kosovën.
