Sipas MeteoAlb, prej disa ditësh vendi ynë është përfshirë nga masa ajrore të qëndrueshme të cilat do të sjellin sërish gjatë paradites dominim të kthjellimeve në një pjesë të madhe të territorit.

Por parashikohet që pas mesdite të ketë kalime të shpeshta të vranësirave të cilat më të dukshme do të jenë në zonat veriore gjatë mbrëmjes dhe natës vonë.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 14°C deri në 33°C.

Era do të fryjë në det mesatarisht me shpejtësi 40 km/h nga drejtimi Jugor – Jugperëndimor duke krijuar në brigjet detare dallgëzim mbi 3 ballë.