Organet e 21-vjeçares greke Emanuela, e cila u përplas për vdekje nga një makinë që drejtohej nga 26-vjeçari shqiptar janë dhuruar.
Kanë qenë prindërit e vajzës, ata të cilët e kanë bërë të ditur lajmin, ndërsa shprehen se kjo ka qenë dëshira e vajzës.
“Nuk po flasim më për vdekjen, por për jetën. Kjo ishte dëshira e vajzës sonë dhe ne bëmë atë që ajo donte”, tha babai i vajzës.
Ndërkohë, mamaja e saj u shpreh: Emmanuela ishte një mrekulli për ne. Ne i kërkuam të bënte një mrekulli dhe ajo sapo e bëri. Ajo donte të jepte jetë, ishte dëshira e saj.
Mediat greke shkruajnë se një 40-vjeçare, nënë e një fëmije që jetonte me zemër artificiale ka pranuar zemrën e 21-vjeçares për transplantin në “Onasio”, ndërsa mëlçia e saj do të merret nga një burrë.
Ndërkohë, për veshkat do të kryhen teste speciale për të gjetur një marrës të përshtatshëm.
