Drejtori i Përgjithshëm i Policisë së Shtetit, Muhamet Rrumbullaku ka firmosur disa ndryshime në komisariate të ndryshme të vendit.
Mësohet se në Komisariatin nr.2 është emëruar Loard Sallaku i cili më herët ka mbajtur detyrën e shefit të komisariatit Krujë. Në Shkodër, shef komisariati është emëruar Idriz Daulle. Ky i fundit ka mbajtur detyrën e shefit të rendit në drejtorinë Tiranë.
Oltian Agolli është emëruar shef i policisë Sarandë, duke zëvendësuar Klodian Kondin që tashmë do të shkojë në policinë e Pogradecit.
Edhe Drejtoria e Vlorës ka pasur një ndryshim. Elton Alushi është emëruar zv.drejtor për hetimin e krimeve.
