Shpejtësia dhe përdorimi i makinës nën efektin e alkoolit janë problemet më të hasura nga Policia Rrugore gjatë muajit mars.
Të dhënat zyrtare tregojnë se 160 drejtues mjetesh ranë në pranga gjatë muajit që lamë pas, ku 107 prej tyre u kapën duke drejtuar makinën nën efektin e alkoolit.
53 të tjerë nuk kishin leje për drejtim.
1572 leje drejtimi u pezulluan nga Policia Rrugore, ku 1109 pasi shoferët u gjetën në tejkalim të normave të shpejtësisë, 209 patenta për shkak të drejtimit në gjendje të dehur të makinës.
254 patenta të tjera u pezulluan për shkelje të ndryshme të Kodit Rrugor.
Gjatë muajit Mars u regjistruan në të gjithë rrugët e vendit 118 aksidente, ku mbetën të vdekur 19 persona dhe u plagosën 129 të tjerë.
Në pranga 160 drejtues mjetesh:
107 për drejtim të mjetit nën efektin e alkoolit
53 për drejtim të mjetit pa leje drejtimi
Janë pezulluar 1572 leje drejtimi
1109 për tejkalim të normave të shpejtësisë
209 për drejtim mjeti nën ndikimin e pijeve alkoolike
254 për shkelje të tjera të Kodit Rrugor
