Ministrja Elisa Spiropali ka akuzuar ish-kryeministrin Sali Berisha se ka sjellë vetëm përçarje mes Shqipërisë dhe Kosovës.
Gjatë fjalës së saj në Kuvend, Spiropali tha se sa herë i mblidhet laku nga partnerët ndërkombëtarë, flet për patriotizmin e Kosovës dhe e përdor situatën për interesa personale,
Me tej, ajo shtoi se situata sot me qeverinë Rama ka ndryshuar dhe se Shqipëria shihet si faktor stabiliteti.
“Ai projekton fajet, gabimet vërejtjet e ndërgjegjes së tij tek tjetri. Është e njohur kjo metodë e vjetër. Më së shumti tradhtinë e kanë patur në ballë të përpjekjeve të tyre. Sali Berisha foli, minutat tuaja kanë mbaruar, është koha ime. Foli këtu për hartën e Europës, Sali vetëm ajo të ka mbetur që të përfundosh në kosh, koha ka ardhur, por s’ka rëndësi se ti damkën vetes ia ke vënë përpara se ta vinin ata përtej detit.
Në kohën kur ti bëje thirrje që marrëveshja e ‘Rambujesë’ të mos firmosej, sipas dëshmive të Remzi Hoxhës që nuk dihet ku shkoi, marrëdhënia me Millosheviç ishte ndryshe. Por ti deklaroje se as Ibrahim Rugova nuk duhet të pretendonte pavarësinë e Kosovës.
Zografi bis nuk ka bërë kurrë një marrëveshje deti me Greqinë, nuk ka furnizuar me naftë makinerinë vrasëse të regjimit të Millosheviç, e ke pranuar vetë pafuqinë. E nëse vazhdojmë me ato që ti ke bërë dhe ne kemi bërë me kryeministrin në krye dhe kjo qeveri që nuk lë vend të botës, dhe duhet ta dini që reputacioni i Shqipërisë është rritur.
Ato që ti paturpësisht bëre, miratimin e rezolutës së Dick Marty, po tentojmë ta zhbëjmë ne duke paraqitur një rezolutë të re. Por pasqyra dhemb, ajo tregon fytyrën që ke. E them që shumë shpejt Berisha do të dalë edhe skena politike”, tha Spiropali.
Ish-kryeministri Sali Berisha deklaroi: Një muaj më parë dosja e McGonigal tani është shkrirë me dosjen ruse. Ky peshk i madh nuk binte kollaj në duart e Edi Ramës, por dikush e solli atë. Ata që e sollën janë në dosjen Deripaska, koha do ta provojë. Ndaj dhe Edi Rama ka humbur dhe kur del në media del sterrë i zi. Tani, rrëmbimi i policëve të Kosovës përbën një akt terrorist, një shkelje e rezolutës së Kosovës. I bëj thirrje KFOR, komunitetit ndërkombëtar të ndërhyjë për lirimin e menjëhershëm të policëve të rrëmbyer, të rikthehen në vendim e tyre. Dhe dënim për atë që sillet si një fqinj zuzar që nuk njeh ligj të brendshëm dhe të jashtëm. Aleksandër Vuçiç, ‘Putini i Vogël”.
