Personi në foto është Arnold Selishta, 22-vjeçari i cili humbi jetën në një aksident tragjik në Brianza të Italisë. Dyshohet paraprakisht se shkak është bërë një garë shpejtësie mes “supermakinave”, pjesë e të cilave ishte edhe i riu shqiptar.
Makina u përmbys disa herë, derisa mori flakë, përgjatë Monza-Saronno. 22-vjeçari u nxorr i gjallë nga zjarrfikësit, por në gjendje shumë të rëndë. Ai vdiq menjëherë më pas në spitalin San Gerardo në Monza.
Me të ishin edhe dy të tjerë shumë të rinj të cilët mbetën të plagosur. Hetuesit hetojnë hipotezën e një gare me shpejtësie marramendëse midis dy supermakinave, “Range Rover” kundër “BMë”, përpara se të humbin kontrollin në një rrethrrotullim.
Karabinierët çuan në kazermë në Limbiate një 23-vjeçar, i cili ishte drejtuesi i makinës dhe që do të largohej pas përplasjes. Hetimet do të zbardhin përgjegjësitë e 23-vjeçarit, i cili nëse drejtonte makinën, rrezikon të akuzohet për vrasje në rrugë. Po shqyrtohen edhe pozitat e të gjithë të rinjve të tjerë.
