Problemet e Alec Baldwin nuk kanë mbaruar edhe pse akuzat për vrasje të pavullnetshme për incidentin tragjik të të shtënave në sheshxhirimin e “Rust” kundër aktorit u hoqën disa muaj më parë.
Në tetor 2021, Baldwin vrau kineasten Halyna Hutchins dhe plagosi regjisorin Joel Souza në setin e filmit, pasi arma që ai përdori ndërsa xhironte ishte e mbushur.
Baldwin u deklarua i pafajshëm dhe vazhdimisht pretendoi se ai nuk e tërhoqi këmbëzën. Por një raport i ri i armëve të zjarrit e ka vënë sërish në vështirësi aktorin e famshëm, pasi pretendon se arma nuk do të kishte qëlluar pa e tërhequr këmbëzën Baldwin.
Raporti i ri, i paraqitur si pjesë e një mocioni të ri nga Hannah Gutierrez-Reed, armatorja e filmit, e cila gjithashtu u akuzua për dy akuza për vrasje të pavullnetshme, e kthen Baldwin-in në vijën e zjarrit.
“Megjithëse Alec Baldwin e mohon vazhdimisht tërheqjen e këmbëzës, duke pasur parasysh testet, gjetjet dhe vëzhgimet e raportuara këtu, këmbëza duhej të tërhiqej ose shtypej mjaftueshëm për të lëshuar plumbin”, thuhet në raport.
Më parë, një avokat i Baldwin kishte thënë se disa modifikime ishin bërë me armën mbështetëse përpara se t’i dorëzohej para aksidentit tragjik, por dokumentet e reja zbulojnë se asnjë modifikim i tillë nuk ishte bërë.
