Horoskopi i muajit tetor 2023

Dashi

Rikthehet stabiliteti i Dashit pasi pritet të fillojnë projektet që kishit në gatishmëri. Ofertat e reja për punë do të prezantohen për ata që kanë kohë që kërkojnë punë ose e kanë humbur atë. Kjo valë lajmesh pozitive do t’ju bëjë të rizbuloni edhe dëshirën për të dashuruar. Bëni kujdes për të menaxhuar disa konflikte në familje sidomos rreth datës 10 tetor. Gjithashtu kujdes nga ndonjë person i së shkuarës që mund të rishfaqet papritur kah mesi i muajit.

Demi

Ditët e para të tetorit do të jenë paksa të vështira për t’u menaxhuar sepse do të vazhdoni të ndjeni paqëndrueshmëri të fortë. Por më pas do të filloni të shihni të konkretizohen projekte dhe nisma të reja, zbatimi i të cilave do t’ju mbajë të zënë për pjesën e mbetur të muajit. Megjithatë, kini kujdes të mos e neglizhoni dashurinë, sepse partneri/ja juaj do të ketë nevojë për vëmendje që në ditët e para.

Binjakët

Do të keni një dëshirë të madhe për të bërë gjëra, për të arritur diçka, për të marrë rezultate, por do t’ju duhet të veproni me kujdes dhe pa u nxituar shumë. Pra nuk duhet të nxitoni, por do të jetë thelbësore të mendoni me kujdes për vendimet, veçanërisht për të gjitha gjërat e reja që dalin. Gjatë gjithë muajit tetor do të ketë vështirësi në fushën sentimentale, të cilat do t’ju duhet t’i menaxhoni me shumë mençuri. Mbi të gjitha shmangni shkarkimin tek të tjerët, të disa tensioneve që lindin në familje apo në çift.

Gaforrja

Ky muaj do ju lejojë të merrni vendime të rëndësishme dhe të rregulloni jetën tuaj. Do të shtyheni drejt eksperiencave të reja profesionale dhe do të ndjeni një dëshirë shumë të fortë për të bërë plane në çift. Nuk jeni më të kënaqur me jetesën e përditshme, keni nevojë për siguri dhe stabilitet më të madh. Nuk do të jetë e lehtë të gjeni të mesmen e artë, por ju jeni këmbëngulës dhe keni shumë energji për t’i arritur qëllimet tuaja.

Luani

Do të jetë një muaj sprovash sidomos për çiftet që janë në krizë. Do të përjetoni momente turbulence të cilat, megjithatë, do të jenë të dobishme për të marrë përfundimisht një vendim përfundimtar dhe për të kuptuar atë që dëshironi në të vërtetë. Jini të kujdesshëm për të menaxhuar disa vështirësi në punë, veçanërisht në marrëdhëniet me kolegët, eprorët ose vartësit. Veproni me kujdes, duke shmangur përkeqësimin e tensioneve të caktuara.

Virgjëresha

Do të jetë një muaj lajmesh dhe gjithashtu ristrukturimi në të gjitha fushat. Do të duhet të jeni shumë të kujdesshëm në menaxhimin e disa ndryshimeve që do të ndodhin në jetën tuaj, veçanërisht në marrëdhënien tuaj në çift nëse keni plane të mëdha, si martesa, bashkëjetesa apo fëmijët. Mos u pushtoni nga frika se mos ende nuk jeni gati për disa përgjegjësi. Shpesh do t’ju shtyjnë të dyshoni për atë që do të bëni, por prapë do të gjeni forcën për të kapërcyer çdo pengesë dhe këtë do ta bëni shkëlqyeshëm.

Peshorja

Ata që kanë mbyllur së fundmi një lidhje do të mund të hapin një faqe tjetër sepse dashuria do të favorizohet në tetor. Lajme të mira edhe në fushën ekonomike ku do të mbërrijnë oferta të favorshme. Paratë nuk do të jenë më një problem i madh për ju. Nëse deri tani keni pasur ndonjë problem shëndetësor, do të keni mundësi për një rikuperim total.

Akrepi

Edhe këtë muaj nuk do të jeni shumë të hapur ndaj ndryshimeve, fryma juaj e strukjes nuk ju braktis kurrë. Kjo nuk ju bën të ndiheni rehat përballë propozimeve të reja që do t’ju kërkohet t’i vlerësoni dhe që mund të përfaqësojnë një “bingo” të vërtetë për ju. Në dashuri do të jetë një muaj i veçantë sepse do të ndjeni një dëshirë të fortë për pasionin dhe do të dëshironi të bëni gjithçka për të qëndruar në harmoni me partnerin/en.

Shigjetari

Ju dëshironi të stabilizoni jetën tuaj, duke menduar mbi të gjitha për ta bërë lidhjen tuaj romantike, serioze dhe përfundimtare. Nëse deri më tani nuk keni dashur të flisni për martesën, këtë muaj, përkundrazi do të ndjeni nevojën për të trajtuar seriozisht këtë temë. Nuk do të mungojnë mundësitë e mira. Edhe shëndeti do të jetë më i mirë se muajt e kaluar.

Bricjapi

Ndjenjat do të shpërblehen, tensionet në dashuri do të zhduken. Zjarri i pasionit do të rindizet këtë tetor 2023. Çiftet do të jenë në gjendje të forcohen, lidhjet do të bëhen më intensive dhe më të gjata, dyshimet dhe hutimet nuk do t’ju mundojnë më. Lidhja juaj emocionale do të duket e pathyeshme. Në punë do ju thërrasin disa herë për t’u përfshirë.

Ujori

Një mundësi e mrekullueshme është gati të prezantohet në ditët e para të muajit të ri,  tetor 2023. Projektet që keni zhvilluar së fundmi do të fillojnë të japin rezultate konkrete në javët në vijim. Me pak fjalë, kënaqësia nuk do t’ju mungojë. Megjithatë, probleme do të lindin nga ana sentimentale, veçanërisht sepse mund të përjetoni një ndarje nga partneri/ja si për arsye pune ashtu edhe për arsye të tjera. Qëndrimi i ndarë do të ketë pasoja në marrëdhënien tuaj. Dyshimet dhe pasiguritë rreth besnikërisë dhe besimit do të jenë rend i ditës.

Peshqit

Do jeni plot energji dhe dëshirë për të bërë gjëra, kështu që do të lidhni marrëveshje të mira edhe me përfitime ekonomike. Shfrytëzoni sa më shumë këtë muaj për të nisur iniciativa dhe projekte, por edhe për të planifikuar të ardhmen tuaj romantike, duke i kërkuar më në fund partnerit që të martohet me ju ose të jetojnë bashkë. Dashuria në tetor do pasurohet me pasion intensiv.