Një shtetas në kërkim është vënë në pranga vetëm pas tre ditësh pasi nuk i ishte bindur urdhrit të Policisë për të ndaluar.

29-vjeçari me inicialet I.Ç. nga Bilishti mësohet se ishte duke drejtuar automjetin tip “Benz” ndërsa nuk i është bindur urdhrit të punonjësve të policisë për të ndaluar.

Krahas tij, mësohet nga efektivët se për dy vepra të ndryshme penale janë proceduar edhe dy shtetas të tjerë.

Sipas uniformave blu, 39-vjeçari me inicialet E.H. nga Korça është proceduar pasi dyshohet se ka ushtruar dhunë ndaj bashkëjetueses së tij.

Ndërsa 36-vjeçari me inicialet M.B. nga Korça është proceduar pasi nuk i është bindur urdhrit të punonjësve të policisë për të ulur volumin e muzikës në lokalin e tij, në lagjen nr.2, Korçë, pas orarit të lejuar.

Njoftimi i Policisë:

DVP Korçë/Vihet në pranga 1 shtetas dhe procedohen në gjendje të lirë 2 të tjerë, për vepra të ndryshme penale.

-Specialistët për Hetimin e Krimeve të Komisariatit të Policisë Devoll ndaluan shtetasin në kërkim I. Ç., 29 vjeç, banues në Bilisht, pasi më datë 23.11.2023, duke drejtuar automjetin tip “Benz” nuk i është bindur urdhrit të punonjësve të policisë për të ndaluar.

-Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi penal në gjendje të lirë për shtetasit:

H., 39 vjeç, banues në Korçë, pasi dyshohet se ka ushtruar dhunë ndaj bashkëjetueses së tij;

B., 36 vjeç, banues në Korçë, pasi nuk i është bindur urdhrit të punonjësve të policisë për të ulur volumin e muzikës në lokalin e tij, në lagjen nr.2, Korçë, pas orarit të lejuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.