2024 mbërriti në Zelandën e re. Ashtu si për çdo vit, edhe për këtë vit qielli është “pushtuar” nga spektakli i fishekzjarrëve. Qytetarët kanë shijuar atmosferën festive në Auckland, duke mirëpritur vitin e ri me festë.
Shfaqja e fishekzjarrëve do të zgjasë 5 minuta, teksa do të shpërthejnë më shumë se 500 kilogramë lëndë piroteknike. Mijëra turistë vizitojnë Auckland çdo vit për të ndjekur nga afër spektaklin.
Mirëpo vendi i parë që mirëpriti 2024 ishte Kiribati. Grumbulli i ishujve, i njohur ndryshe edhe si Kiribass, zotëron një hapësirë të madhe detare në Oqeanin Paqësor. Teksa, në minutat në vijim, pritet të festoje edhe Australia, ardhjen e vitit të ri 2024.
Turma të mëdha janë mbledhur në Sydney të Australisë për një nga shfaqjet më spektakolare të fishekzjarreve të vitit të ri në botë.
Tetë ton lëndë piroteknike do të hidhen nga Ura e Harborit të Sidneit dhe Shtëpia e Operës.
