Në vend që të zgjidhni produkte kimike të tilla si zbardhues ose acide, për të hequr mykun nga shtëpia, përdorni mënyra natyrore, të cilat nuk do ta dëmtojnë familjen ose kafshët shtëpiake. Myku mund të jetë i rrezikshëm për shëndetin tuaj edhe nëse nuk jeni alergjik. Shumë njerëz reagojnë ndaj mykut duke u lodhur dhe madje edhe duke kaluar në depresion. Për më tepër, myku ndikon në shfaqjen e alergjive, infeksioneve në sinus dhe acarim të lëkurës. Ja çfarë produkte mund t’ju vijnë në ndihmë në raste të tilla!
Peroksid hidrogjeni: Spruconi peroksid hidrogjeni mbi zonën e mykur. Lereni për 10 minuta. Më pas pastrojeni me një leckë të lagur duke e fërkuar fort . Një tjetër alternativë është të përdorni peroksid hidrogjeni, sodë buke dhe uthull. Mbajeni shishen e peroksidit të oksigjenit në një zonë të errët, sepse drita e ul cilësinë e tij.
Uthull: Hidhni uthull në një shishe dhe spërkatni zonën e mykur. Gjithashtu, mund të holloni uthullin me ujë për të minimizuar aromën e fortë, por varianti i parë është më i mirë. Lereni për disa orë dhe pastaj pastroni zonën me një furçë. Sipas studimeve, uthulla e bardhë eliminon 82% të mykut, duke përfshirë viruset dhe bakteret.
