Presidenti turk Tajip Erdogan dhe kryeministri grek Kyriakos Mitsotakis filluan bisedimet në Ankara ditën e stome me qëllim ruajtjen e momentit pozitiv të arritur në marrëdhënie dypalëshe në muajt e fundit, pavarësisht problemeve të vazhdueshme.
Turqia dhe Greqia, aleatë të NATO-s dhe armiq historikë, kanë qenë prej kohësh në mosmarrëveshje për kufijtë detarë, burimet e energjisë në Mesdheun lindor, fluturimet mbi detin Egje dhe Qipron e ndarë etnikisht.
Pas vitesh tensionesh që i sollën të dy vendet në prag të konfliktit, ata kanë filluar të ndërmarrin hapa të profilit të lartë për të përmirësuar lidhjet, veçanërisht pasi të dy udhëheqësit u rizgjodhën vitin e kaluar. Erdogan priti Mitsotakis në pallatin presidencial në Ankara, tha transmetuesi shtetëror TRT.
Një burim diplomatik turk tha se Erdogan dhe Mitsotakis do të diskutojnë çështje nga teknologjia, turizmi dhe lidhjet ekonomike deri te lufta kundër terrorizmit dhe migracionit, duke shtuar se një “Këshill i Përbashkët Biznesi” do të formohet gjithashtu për të bashkuar njerëzit e biznesit turq dhe grek, sipas Reuters.
Erdogan vizitoi Athinën dhjetorin e kaluar dhe të dy vendet nënshkruan ” Deklaratën e Athinës ” që synon të vendosë bazën për një udhërrëfyes për rifillimin e marrëdhënieve.
