Spitali “Shefqet Ndroqi” ka reaguar lidhur me ngjarjen e rëndë të ndodhur mbrëmjen e të mërkurës, ku një 65-vjeçar i infektuar me Covid-19 i dha fund jetës duke u hedhur nga kati i 4-ërt.
Teksa i shpreh ngushëllimet familjarëve, në reagimin e spitalit thuhet se 65-vjeçari ishte shtruar një ditë më parë me pneumoni të shkaktuar si pasojë e virusit SARS COV2 dhe po trajtohej me terapinë e plotë të mjekimitt.
REAGIMI I PLOTË
Stafi i spitalit universitar “Shefqet Ndroqi” shpreh dhimbjen për humbjen e jetës së 65-vjeçarit me inicialet H.M, i cili i dha fund jetës mbrëmjen e sotme dhe i shpreh ngushëllimet më të sinqerta familjes së tij në këto momente të vështira.
65-vjeçari ishte shtruar një ditë më patë në spitalin “Shefqet Ndroqi”, me pneumoni të shkaktuar si pasojë e virusit SARS COV2 dhe po trajtohej me terapinë e plotë të mjekimit.
Duke shprehur edhe një herë dhimbjen për këtë ngjarje të rëndë, stafi i spitalit universitar “Shefqet Ndroqi” siguron qytetarët se po vijojë të jetë në shërbim 24/7 për të garantuar shërbimin shëndetësor për pacientët që trajtohen në spitalin tonë.
