Kryebashkiakja e Durrësit, Emiriana Sako ka ndjekur nga afër punimet për riparimin e apartamenteve dhe banesave individuale në Sukth.
“Sako e shoqëruar nga kryetari i kësaj njësie administrative Rrapo Osmani kanë vizituar disa familje që kanë përfituar nga granti i rikonstruksionit.
1040 familje në Sukth kanë përfituar nga ky grant dhe 639 prej tyre janë likujduar deri sot, ndërkohë që shpërndarja e grantit vijon çdo ditë.
Shumë shpejt të gjitha këto familje të Sukthit do të rikthehen në shtëpitë e tyre të rikonstruktuara.
Procesi i rindërtimit vazhdon…”,– shkruan bashkia e Durrësit në një postim në rrjete sociale.