Një stallë bagëtish e cila ndodhet në vendin e quajtur Lashkizë, në fshatin Zallë Dardhë, është përfshirë ditën e sotme nga flakët. Mësohet se stalla i përket dy vëllezërve P.P dhe I.P.
Bëhet me dije se si pasojë e përhapjes së flakëve janë djegur disa bagëti si dhe një sasi më bazë ushqimore. Nuk dihen ende shkaqet e zjarrit, po punohet për zbardhjen e tyre.
Njoftimi i Policisë:
Dibër/informacion paraprak
Më datë 26.08.2024, në vendin e quajtur Lashkizë, në fshatin Zallë Dardhë, ka rënë zjarr në stallën e bagëtive të shtetasve P.P., dhe I.P., (vëllezër), ku për pasojë janë djegur disa bagëti dhe një sasi me bazë ushqimore.
Grupi hetimor në drejtimin e Prokurorisë, po vijon hetimet për të përcaktuar shkaqet e rënies së zjarrit.
