Kryeministri izraelit Benjamin Netanyahu u tha të dërguarve amerikanë që vizituan Jerusalemin sot për të diskutuar një armëpushim me Hezbollahun e Libanit se një armëpushimi duhet mbi të gjitha të garantojë sigurinë e Izraelit.
“Aksioni kryesor (…) është aftësia dhe vendosmëria e Izraelit për të parandaluar çdo kërcënim për sigurinë e tij që vjen nga Libani në mënyrë që banorët e rajonit kufitar që u zhvendosën nga shtëpitë e tyre në Izraelin verior të mund të kthehen”, i tha Netanyahu të dërguarve të SHBA, Amos Hochstein dhe Brett McGurk.
Dy përfaqësuesit e Shtëpisë së Bardhë për Lindjen e Mesme u pritën më herët nga ministri izraelit i Mbrojtjes Yoav Gallant.
“Diskutimet u fokusuan në sfidat dhe mundësitë strategjike në rajon (…) si dhe përpjekjet për të siguruar lirimin e pengjeve të mbajtura ende në Rripin e Gazës, më shumë se një vit pas fillimit të luftës me Hamasin.”
