Ish-ministri i Brendshëm Saimir Tahiri ka qëndruar më shumë se një orë në SPAK, ku është marrë në pyetje lidhur me çështjen e 21 janarit.
Për mediat ai është shprehu se ishte thirrur për kallëzimin e bërë në 2015 dhe theksoi se u qëndron atyre që ka deklaruar po atë vit, teksa bëri thirrje që ngjarja të zbardhet.
“U pyeta për 21 janarin dhe kallëzimin që kam bërë në vitin 2015”, u shpreh Tahiri.
Tahiri ka qenë drejtues i PS për Tiranën dhe organizator i demonstratës së opozitës së kohës (sot mazhorancë), që përfundoi me 4 të vrarë.
Kujtojmë se në 2015, Tahiri ka kallëzuar ngjarjen dhe ish-ministrin e Brendshëm të asaj kohe, Lulzim Bashën.
I pyetur lidhur me çështjen e tij që është në Gjykatën e Lartë, ish-ministri u shpreh se pret pafajësinë.
