Automjeti me të cilin është larguar Julian Gjoshi pas vrasjes, është gjetur mesditen e sotme në zonën e Shkëmbit të Kavajës. Autori i dyshuar i vrasjes së Alfred Dedja e ka braktisur automjetit tip Mercedes Benz në anë të rrugës. Efektivët e policisë kanë mbërritur në vendngjarje dhe po kryejnë hetimet. Nga të dhënat e para, mësohet se nuk është gjetur akoma pistoleta me të cilën është kryer vrasja.