Policia holandeze ka arrestuar tre persona pas një shpërthimi që vrau gjashtë persona dhe plagosi katër të tjerë në një kompleks apartamentesh në Hagë, tha policia të martën.
Një hetim penal ka nisur për shkakun e shpërthimit të së shtunës, i cili shkaktoi shembjen e një pallati dhe shkatërroi disa ndërtesa fqinje në zonën e banimit në një periferi të Hagës.
Policia tha se tre personat e arrestuar vonë të hënën ishin të lidhur me shpërthimin, por nuk dha detaje të mëtejshme.
Pas shpërthimit janë konfiskuar disa makina. Dëshmitarët thanë se panë duke u larguar me shpejtësi nga vendi i ngjarjes pak para shpërthimit.
Ekipet e shpëtimit ndaluan kërkimet e tyre për viktima të hënën pasdite, disa orë pasi trupi i gjashtë u gjet në rrënoja.
Kompania e rrjetit të gazit Stedin i tha agjencisë holandeze të lajmeve ANP të martën se nuk kishte indikacione se shpërthimi ishte shkaktuar nga një rrjedhje gazi. Policia ka përjashtuar mundësinë që në njërën prej godinave të ketë pasur një laborator droge.
