Ashtu edhe siç ishte përfolur stadiumi “Selman Stermasi” do të shembet për t’i lënë vendin një impianti modern. Sot në faqen e “Albanian Invesmet Corporation” është publikuar një detaj nga projekti i ri i këtij stadiumi.
“Rinovimi i Zonës së Stadiumit “Selman Stermasi”: Një projekt investimi që ndërthur historinë me inovacionin për të krijuar një hapësirë moderne dhe funksionale për komunitetin dhe sportin!
Bashkohuni me ne në këtë rrugëtim transformues për Tiranën!”, – shkruhet në postimin e tyre, publikuar së bashku dhe në faqen e kryeministrit Edi Rama dhe kryebashkiakut të Tiranës Erion Veliaj.
