Në Dubai, Georgina Rodriguez festoi ndërrimin e viteve, së bashku me Cristiano Ronaldon dhe fëmijët e tyre. Influencuerja e njohur ka ndarë disa foto nga jahti ku kanë festuar Vitin e Ri me superyllin e futbollit dhe familjen e tyre. Në një foto, Rodriguez dhe Ronaldo shikojnë fishekzjarrët në qiell duke u përqafuar, ndërsa në një tjetër ajo ulet pranë dy fëmijëve të tyre me pamje nga deti. “Për një 2025 plot dritë, dashuri dhe shëndet për të gjithë”, – ka shkruar ajo duke uruar 64.7 milionë ndjekësit e saj në Instagram.