Ministria e Shëndetësisë bëri me dije se në 24 orët e fundit në vend, nga 870 testime janë shënuar 154 raste të reja me koronavirus.
Po ashtu, Ministria njoftoi se 5 pacientë nuk e kanë mposhtur Covid-19.
Ministria e Shëndetësisë njoftoi se 117 qytetarë e kanë fituar betejën me COVID19 në 24 orët e fundit, duke e çuar numrin e të shëruarve në 4530 që nga fillimi i epidemisë.
Aktualisht në spitalin Infektiv dhe “Shefqet Ndroqi” po trajtohen 160 pacientë të konfirmuar pozitivë me COVID-19, 13 në terapi intensive nga të cilët 4 pacientë janë të intubuar.
Ministria informon se në dy spitalet COVID janë gjithashtu duke marrë shërbim të specializuar 38 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
