Përmbytje të fuqishme kanë përfshirë kryeqytetin e Republikës Demokratike të Kongos, Kinshasa, duke shkaktuar humbjen e jetës së të paktën 22 personave më 4 prill. Reshjet intensive të shiut kanë përmbytur pjesën më të madhe të qytetit, ndërsa rruga kryesore që lidh qendrën me aeroportin është bllokuar për orë të tëra.
Guvernatori i qytetit, Daniel Buba, tha se rruga tashmë është rihapur për trafik të lehtë dhe pritet të funksionojë plotësisht brenda 72 orësh. Situata është e ngjashme me përmbytjet shkatërrimtare të vitit 2022, kur humbën jetën mbi 100 persona.
Autoritetet po punojnë për të normalizuar gjendjen, ndërsa bilanci i viktimave mund të rritet.
