Mbretëresha Máxima e Holandës po bën bujë në internet pas samitit të fundit të NATO-s. Një video ku duket duke imituar mimikat e Presidentit të SHBA-së Donald Trump, ka shkaktuar të qeshura mes të pranishmëve.
Pasi pamjet u publikuan në rrjete sociale, ato u shpërndanë me shpejtësi dhe ngjallën reagime të shumta. Disa e cilësuan momentin si “ikonik” dhe “mjaft të sinqertë”, ndërsa të tjerë u shprehën të surprizuar nga humori i Mbretëreshës.
Gjithashtu në videon e shpërndarë në rrjetet sociale, Mbretëresha Máxima është akuzuar se ka tallur Presidentin e SHBA-së Donald Trump në një transmetim të drejtpërdrejtë televiziv. Në videon që është filmuar në Holandë, ku Trump kaloi më pak se 24 orë për samitin e NATO-s, presidenti i SHBA-së u pa duke qëndruar pranë Mbretëreshës dhe bashkëshortit të saj, Mbretit Willem-Alexander.
