Një tragjedi ka ndodhur në plazhin Montalto di Castro në rajonin e Lacios në Itali, pasi një 17-vjeçar nga Roma humbi jetën, i bllokuar në një gropë që kishte hapur në rërë.
Sipas mediave të vendit fqinjë, adoleshenti ishte atje me vëllezërit e motrat e tij më të vegjël, me të cilët u argëtua duke hapur një gropë rreth një metër e gjysmë të thellë. Në një moment, vëllezërit e motrat e tij u larguan dhe ai mbeti vetëm. Në ato momente ai hyri në gropën që kishte hapur, por papritur muret e rërës u shembën mbi të, duke e varrosur të gjallë.
Babai i tyre thuhet se po pushonte në hijen e një çadre, pa e kuptuar menjëherë se çfarë kishte ndodhur.
Kur babai vuri re se djali i tij i madh ishte zhdukur, menjëherë nisën kërkimet në plazh. Falë udhëzimeve të vëllezërve të tij më të vegjël, ata nxituan të gërmonin në vendin ku ishte bllokuar 17-vjeçari, por ishte tepër vonë. Policia, zjarrfikësit dhe një helikopter me mjekë mbërritën në vendngjarje.
Nuk dihet nëse kishte një roje plazhi në detyrë në plazhin e lirë në kohën e incidentit. Autoritetet po akoma po hetojnë rrethanat në të cilat ndodhi aksidenti.
