Sezoni 2024/2025 ishte intensiv dhe me kontraste për Kilië Mbape.mbapeNë vitin e tij të parë me Real Madridin, francezi shkëlqeu individualisht, duke tejkaluar 40 gola në të gjitha garat dhe vendosur rekordin për më shumë gola të shënuar nga një debutues në historinë e klubit. “Los Blancos” megjithatë zhgënjyen, duke e mbyllur sezonin pa fituar asnjë titull.Në të njëjtën kohë, Mbape është përfshirë në polemika pas falimentimit të klubit të familjes së tij, Kaen, i cili ra nga Ligue 2 në ligën e tretë franceze Përfshirja e lojtarit, aksionar përmes nënës së tij, Fayza Lamari ka shkaktuar kritika nga disa tifozë, të shqetësuar për ndikimin e tepërt të familjes në menaxhimin e klubit.
Sipas një hetimi të publikuar nga L’Équipe, sulmuesi i Realit është me të vërtetë i informuar dhe i përfshirë në vendime të mëdha, por pa ndërhyrë në vendimet teknike. Vendimet operative merren nga presidenti Zihad Hamoud, drejtori i përgjithshëm Josselin Flamand, drejtori teknik Pascal Plancque dhe drejtori i vëzhgimit Reda Hammache. Informacioni më pas i kalohet Fayza Lamarit, i cili e ndan atë me yllin e Real Madridit.“Ai është një aksionar i përfshirë, por jo-ndërhyrës. Ne flasim vetëm për aspekte sportive, kurrë për para. Ai nuk ndërhyn në formacionet, të cilat shpesh i zbulon vetëm pasi të ketë filluar ndeshja”, deklaroi Hammache. Kilië pritet në Kaen para fillimit të sezonit të ri për t’u takuar me ekipin. Qëllimi është i qartë, ta kthejnë klubin në Ligue 2 sa më shpejt të jetë e mundur.
