Mëngjeset e dhjetorit nuk sjellin vetëm të ftohtin, por edhe aromën e festave dhe ëmbëlsirave tradicionale. Mes tyre, biskotat e shkrifëta me gjalpë dhe limon mbeten një nga zgjedhjet më të preferuara për tryezat e Krishtlindjes.
Të njohura edhe si Biskotat Albert, këto biskota me origjinë daneze dallohen për shijen e balancuar mes së ëmblës dhe freskisë së limonit. Ato shoqërohen zakonisht me një salcë të bardhë limoni, që u jep një aromë të lehtë dhe festive.
Përbërësit
- 3 vezë
- 250 g sheqer
- 125 g gjalpë
- 500 g miell
- 110 g niseshte
- Vanilje
- 3 lugë çaji fryrës për ëmbëlsira
Për dekorin:
- Sheqer pluhur
- Lëng limoni
Përgatitja
Në një enë të thellë rrihni vezët me sheqerin, më pas shtoni gradualisht gjalpin e zbutur. Bashkoni miellin, niseshtenë dhe fryrësin, duke i përzier me lugë druri derisa të formohet brumi.
Mbulojeni brumin dhe lëreni të pushojë në frigorifer për rreth një orë. Më pas hapeni në një petë rreth 1 cm të trashë dhe priteni me format e dëshiruara. Vendosini biskotat në një tavë me letër pjekjeje dhe piqini në furrë të parangrohur në 180°C për rreth 20 minuta.
Pasi të ftohen, zbukurojini me salcën e përgatitur nga përzierja e sheqerit pluhur me lëng limoni. Biskotat janë gati për t’u shijuar, ideale për ditët festive të dhjetorit.
