Konsumimi i përditshëm i vajit të ullirit lidhet me përfitime të rëndësishme për shëndetin. I pasur me yndyrna mono të pangopura, polifenole dhe vitamina E e K, ai ndihmon në uljen e rrezikut për sëmundjet e zemrës, demencën, disa lloje kanceri dhe osteoporozën.
Studimet tregojnë se vaji i ullirit përmirëson nivelet e kolesterolit, ul inflamacionin, mbron funksionin njohës dhe mbështet shëndetin e kockave dhe nyjeve. Dieta mesdhetare e pasuruar me vaj ulliri është lidhur me më pak raste të atakut në zemër dhe goditjes në tru.
Ekspertët theksojnë se është i sigurt kur konsumohet me masë, por teprimi mund të çojë në shtim peshe për shkak të kalorive të larta. Vaji i ullirit përdoret gjerësisht në sallata, gatime, makarona dhe si zëvendësues i gjalpit, duke mbetur një nga përbërësit më të shëndetshëm të kuzhinës mesdhetare.
