Aktorja e njohur turke, Demet Ozdemir, duket se i ka dhënë një tjetër sinjal banorit të “Big Brother VIP Kosova”, Londrimit.
Gjatë qëndrimit të tij në shtëpi, Londrimi nuk e ka fshehur simpatinë për aktoren e famshme. Në një moment të kapur nga kamerat, ai iu drejtua asaj duke i thënë: “Demet Ozdemir, të dua shpirt. Çfarë po bën ti?”
Ky moment u bë viral në rrjetet sociale, duke tërhequr vëmendjen e publikut. Ajo që ra më shumë në sy ishte reagimi i aktores, e cila bëri “Like” një nga postimet e banorit.
Së fundmi, ajo ka hedhur edhe një hap tjetër duke i bërë edhe “Follow” Londrimin në rrjetet sociale. Ky veprim është publikuar në InstaStory, nga faqa zyrtare e banorit, duke e shoqëruar me fjalët: “Shpirti i përulur dhe i bukur që je, të duam.”
