Një megaoperacion policor është zhvilluar në orët e vona në zonën e ”Kodër Kamëz” në kryeqytet, që është konkretizuar me arrestimin e Ilir Xhepajt, i shpallur në kërkim për vrasjen e Bujar Likës dhe Paulin Gjergjit më 30 maj në Laç.
Mësohet se Ilir Xhepaj ishte fshehur në një apartament në këtë zonë. Ai kishte më pak se tri muaj që ishte liruar nga burgu për grabitje, dhe jeta e tij ishte e ndarë mes Tiranës, Laçit dhe Kurbinit.
Klaudio Perkola, Ilir Xhepaj dhe Elson Alija, të tre nga Kurbini u shpallen në kërkim si bashkëpunëtorë në vrasjen e Paulin Gjergjit dhe Bujar Likes. I arrestuari ndodhet dhe i dyshuari si autori kryesor, Eduart Lamaj.
Gjykata e Kurbinit vendosi më 26 qershor masën e sigurisë “Arrest me burg” për Eduart Lamaj.
Seanca për caktimin e masës së sigurisë është zhvilluar në ambientet e spitalit të Traumës në Tiranë, ku po merr mjekim pasi mbeti i plagosur gjatë shkëmbimit të zjarrit mbrëmjen e 30 majit në Kurbin.
