Në Pikën e Kalimit Kufitar Muriqan “Border Crossing”, Policia Kufitare ka zbuluar dy raste shkeljesh gjatë 12 orëve të fundit, që lidhen me drogë dhe para të padeklaruara.
Në rastin e parë, një shtetas polak 49 vjeç u kap në hyrje të Shqipërisë me 38 mijë euro që nuk i kishte deklaruar.
Gjatë kontrollit fizik iu gjetën 30 mijë euro, ndërsa 8 mijë të tjera në çantën e dorës.
Për këtë rast ka nisur procedim penal në gjendje të lirë.
Në rastin e dytë, dy persona nga Tirana, 42 dhe 32 vjeç, u arrestuan pasi në automjetin e tyre u gjetën të fshehura 8 qese me rreth 4.2 kilogramë kanabis.
Dyshohet se lënda narkotike ishte siguruar në Gjermani.
Materialet për të dyja rastet janë dërguar në Prokurorinë e Shkodrës për veprime të mëtejshme.
