Ndërsa inteligjenca artificiale bëhet më produktive, ajo mund të lërë pas familjet e zakonshme të cilat janë ë të ekspozuara ndaj humbjes së vendeve të punës , rrjeteve më të dobëta të sigurisë dhe kostove më të larta të shërbimeve, por nuk ka pse të jetë kështu, sipas një memoje të re nga OpenAI.
Në raportin prej 13 faqesh, Politika Industriale për Epokën e Inteligjencës, kompania paralajmëron se inteligjenca artificiale mund të përfundojë “e kontrolluar nga dhe në përfitim vetëm të pak njerëzve”, nëse qeveritë nuk veprojnë shpejt për të shpërndarë përfitimet në mënyrë më të gjerë.
Ankthi për këto lloj ndryshimesh tashmë ka filluar të shfaqet.
“Njerëzit tashmë janë të shqetësuar për atë që inteligjenca artificiale do të thotë për jetën e tyre, nëse vendet e tyre të punës dhe familjet do të jenë të sigurta, dhe nëse qendrat e të dhënave do të ndikojnë në komunitetet e tyre dhe do të rrisin çmimet e energjisë,” thuhet në memorandum.
Në “Politika Industriale për Epokën e Inteligjencës” , OpenAI argumenton se ndryshimet e vogla në politika nuk do të jenë të mjaftueshme nëse superinteligjenca fillon të godasë vendet e punës , taksat, sistemet publike, mbrojtjen kibernetike dhe biosigurinë, të gjitha në të njëjtën kohë.
Kompania e krahason këtë moment me Epokën Industriale, duke argumentuar se Epoka Progresive dhe Marrëveshja e Re duhej të rindërtonin kontratën sociale për energjinë elektrike, prodhimin masiv dhe industrinë moderne, dhe IA mund të kërkojë diçka po aq ambicioze.
