Një trup i pajetë është gjendur mbrëmjen e djeshme (26 prill) në zonën e Çardhakut në Moravë të Korçës.
Sipas informacioneve paraprake, mësohet se viktima, Agim Dejo ka humbur prej 6 muajsh dhe është gjetur mbrëmjen e së dielës.
Bëhet me dije se viktima mund të ketë 3 muaj që ka ndërruar jetë.
Nga këqyrja e trupit të dekompozuar nuk janë konstatuar goditje apo thyerje të kockave që mund të ketë dyshime për ngjarje kriminale.
Trupi është dërguar në morgun e spitalit të Korçës ku do t’i nënshtrohet autopsisë.
