Temperaturat ekstreme deri në 40 gradë celcius! Meteorologia Porja: Kulmi i valës së të nxehtit pritet të jetë në fundjavë!

Meteorologia e MeteoAlb, Lajda Porja, ka paralajmëruar një valë të fortë të nxehti që pritet të përfshijë Shqipërinë në ditët në vijim, me temperatura që në disa zona mund t’i afrohen edhe 40 gradë Celsius.

Sipas Porjës, moti do të mbetet i qëndrueshëm gjatë ditëve të para të javës, me temperatura që aktualisht arrijnë deri në 32 gradë Celsius në disa zona të vendit. Bregdeti do të regjistrojë rreth 30 gradë, ndërsa zonat malore do të luhaten mes 27 dhe 28 gradëve.

Megjithatë, situata pritet të ndryshojë nga fundi i javës. Meteorologia bëri të ditur se nga e enjtja në mbrëmje do të riaktivizohen masat ajrore afrikane, duke sjellë një rritje të ndjeshme të temperaturave.

“Të enjten presim 35-36 gradë, të premten 37 gradë, ndërsa fundjava dhe fillimi i javës së ardhshme do të jenë nën ndikimin e një moti shumë të nxehtë, ku temperaturat do t’i afrohen vlerës 39 gradë dhe në zona të izoluara edhe 40 gradëve”, u shpreh Porja.

Sipas parashikimeve, qarqet më të nxehta do të jenë Shkodra dhe Berati, ndërsa temperatura shumë të larta priten edhe në Elbasan, Gjirokastër dhe Tiranë. Në bregdet temperaturat do të jenë disi më të ulëta, por sërish do të arrijnë deri në 36 gradë Celsius.

Deri të enjten, në zonat malore priten rrebeshe të shkurtra dhe të izoluara gjatë pasdites, kryesisht në verilindje dhe juglindje. Më pas moti do të jetë kryesisht i thatë dhe me intervale të gjata kthjellimesh.

Lajda Porja theksoi se ditët më të nxehta do të jenë e diela, e hëna dhe e marta, ndërsa lagështira e lartë në ajër do ta bëjë vapën të ndihet edhe më e fortë.

Meteorologët këshillojnë qytetarët të shmangin ekspozimin në diell gjatë intervalit 11:00-15:00, kur temperaturat arrijnë kulmin, si dhe të tregojnë kujdes të shtuar ndaj të moshuarve dhe fëmijëve gjatë kësaj vale të nxehti.

Lajda Porja: Kjo do të shënojnë edhe 32 gradë, është vija bregdetare e cila përgjatë këtyre tre ditëve do mbetet termometri në 30 gradë dhe zonat malore në 27 apo 28 gradë. Ndërkohë minimalet, temperatura më e ulët sot është shënuar në Bulqizë 10 gradë. Parashikohet që moti të jetë i qëndrueshëm edhe pse vranësirat do t’i kemi prezente gjatë pasditeve pothuajse. Sot nuk presim që të ketë reshje. Dita e martë, e mërkurë dhe pjesërisht dita e enjte do të sjellin rrebeshe afatshkurtra në zonat malore.

Të martën do të ketë vetëm skaji verior, të mërkurën do të ketë verilindja dhe juglindja dhe ditën e enjte pjesa më e madhe e shtrirjes lindore ku paraditja do të jetë me diell por pasditja do të ketë edhe rrebeshe të izoluara dhe krejtësisht afatshkurtra. Pastaj nëse flasim për situatën termike kemi një ndryshim pas ditës së mërkurë duke filluar që nga dita e enjte në mbrëmje dhe le të themi e premtja dhe fundjava do të kemi sërish riaktivizim të masave ajrore afrikane duke sjellë temperatura mjaft të larta.

Të enjten presim 35-36 gradë, 37 të premten dhe fundjava dhe fillimi i javës tjetër, të paktën deri nga dita e mërkurë do të jetë në ndikimin e një moti mjaft të nxehtë, ku do t’i afrohemi vlerës 39 gradë, mund të ketë zona të izoluara që t’i afrohen edhe termometrit 40 gradëshit.

Megjithatë qytetet ose qarqet më me temperatura, me vlerat më të larta do jenë Shkodra, në radhë të parë Berati, më pas vjen Elbasani, Gjirokastra, Tirana gjithashtu dhe presim që e gjithë ultësira perëndimore të paktën sidomos nga fundjava, nga e shtuna dhe deri të mërkurën e javës tjetër të jetë me temperatura shumë të larta.

Duke qenë se gjatë gjithë këtyre ditëve moti nuk është totalisht i thatë, pra kemi lagështirë prezente në ajër, reshje ka gjatë gjithë kohës në zonat malore dhe lagështira do të bëjë që ne ta ndjejmë të nxehtin akoma më shumë. Presim nga mesi i javës tjetër të ketë një freskim të motit dhe rënie të temperaturave ose më saktë normalizim të tyre, por rreth dy apo tre ditësh…

Moti do jetë i thatë nga e premtja, nuk ka reshje as në zonat malore. E premtja, e shtuna, e diela, e hëna, e marta dhe deri të mërkurën tjetër do të jetë nën ndikimin e diellit, intervale të gjata me kthjellime. Orët e pikut tashmë ne i themi herë pas here janë nga ora 11:00 deri në orën 3:00 të pasdites, ky është edhe intervali ku termometri shënon temperatura të larta. Ditët më të nxehta do të jenë e diela dhe e hëna, por edhe dita e martë. Edhe e marta se termometri presim që t’i afrohet vlerës 40 gradë në ndonjë zonë të izoluar. Ne parashikojmë një probabilitet mjaft të lartë me temperatura 39 gradë në qarkun e Shkodrës.

Një temperaturë afër 40 gradëshit mund të shënohet në qarkun e Beratit, në Kuçovë. Elbasani mund t’i afrohet 38, 39 gradëshit, Gjirokastra gjithashtu. Tirana do të jetë në vlerën 37 apo 38. Bregdeti i cili është pak më i freskët do të jetë në vlerën 36 gradë kryesisht jugu, dhe zonat malore do jetë Kukësi që do të shënojë dhe temperaturat më të larta, dhe pak më freskët do të jetë qarku i Korçës.

Do jenë afërsisht katër, pesë ditë mjaft të nxehta, pra nga e premtja deri të mërkurën. Të mërkurën kemi një shkëputje dhe tërheqje të valës. Këto valët afrikane riaktivizohen, futen në territor dhe tërhiqen herë pas here duke qenë se kemi ndërhyrje të një mase tjetër më të freskët dhe më pas kemi prapë riaktivizim të tyre. E kemi thënë tashmë që jemi futur në sezonin e verës ku temperaturat e larta do t’i kemi prezente, ku dielli do të jetë dominant, nuk do të mungojnë këto rrebeshet e përkohshme.

Kryesisht janë zonat lindore ato që janë më të rrezikuara, duke futur këtu edhe kryeqytetin edhe Elbasanin që mbeten gjatë gjithë verës të rrezikuar nga këto rrebeshet, të cilat zgjasin vetëm disa minuta. Megjithatë, ditët më të nxehta, siç e theksova, është e diela, e hëna, por do ndihet dhe të martën sepse e marta ka vetëm një rënie të lehtë dhe me 1 gradë nuk është se e ndjejmë atë ndryshimin.

Qytetet më të nxehta do të jenë Shkodra, Elbasani, Gjirokastra, Berati. Më pas vjen në vijën e dytë të frontit Tirana, Fieri dhe Lushnja. Pak më freskët bregdeti, dhe do jetë Korça e cila do të ketë atë favoritin më të madh ku do jetë akoma më freskët. Mund t’i afrohemi 40 gradëshit por parashikojmë një temperaturë 39 gradë. Mund të shënohet 39.5, 39.6 por kryesisht do të jetë Berat dhe Shkodër. Këto janë edhe zonat ku presim këtë maksimumin e kësaj jave.